Кембрыджскі слоўнік англійскай мовы назваў словам 2023 года дзеяслоў «галюцынаваць», вынікае з прэс-рэлізу, апублікаванага на яго сайце, паведамляе БелТА.
«Сёння Кембрыджскі слоўнік абвяшчае сваё слова 2023 года: галюцынаваць», — гаворыцца ў дакуменце.
Адзначаецца, што слова набыло новае значэнне з развіццём тэхналогіі штучнага інтэлекту (ШІ) — стварэнне ілжывай рэальнасці. Выбар такога слова года быў звязаны з тым, што яго новае значэнне наглядна паказвае, чаму тэма штучнага інтэлекту выклікае так шмат спрэчак. «Выкарыстанне камп’ютэрных сістэм з якасцямі, падобнымі на чалавечы мозг, што дазваляе ім «вучыцца» і «думаць». Гэта тэма, якая выклікае вялікую цікавасць і хваляванне і, трэба сказаць, некаторую трывогу», — гаворыцца ў прэс-рэлізе.
У заяве гаворыцца, што былі выпадкі, калі мадэлі ШІ проста «выдумлялі нешта», што наогул не адпавядала рэчаіснасці, і «гэтыя памылкі называюць галюцынацыямі або канфабуляціямі». «У цэлым дакладнасць і якасць вынікаў, якія вы атрымліваеце ад мадэляў штучнага інтэлекту, заснаваныя на колькасці і якасці дадзеных, на якіх яны навучаюцца», — адзначаецца ў заяве.
З развіццём ШІ у мове з’явілася нямала новых тэрмінаў, звязаных з гэтай тэхналогіяй. У 2023 годзе ў Кембрыджскі слоўнік былі ўключаны такія словы і выразы як «вялікая моўная мадэль», «генератыўны ШІ». Пры гэтым некаторыя ўжо існуючыя словы таксама набылі новае значэнне, звязанае са штучным інтэлектам, адзначаецца на сайце слоўніка.
По материалам https://zviazda.by/.