Навучэнцы Мінскай вобласці сталі пераможцамі Рэспубліканскага турыстычнага злёту школьнікаў, паведамляе карэспандэнт «Настаўніцкай газеты».

У мерапрыемстве, якое праходзіла ў Бярэзінскім раёне, прынялі ўдзел 180 чалавек — каманды навучэнцаў 14—17 гадоў з усіх абласцей краіны і Мінска.

— Ключавы вектар турыстычнага злёту — актывізацыя турыстычнай і спартыўна-аздараўленчай работы, — акцэнтаваў начальнік галоўнага ўпраўлення па адукацыі Мінаблвыканкама Мікалай Башко. — Праграма злёту накіравана на прапаганду турыстычна-краязнаўчага напрамку і рэалізуе задачу грамадзянска-патрыятычнага выхавання навучэнцаў праз прыцягненне да заняткаў турызмам.

Школьнікаў чакала спартыўная і конкурсная праграмы. Навучэнцы спаборнічалі паміж сабой у турыстычна-прыкладным мнагаборстве і ў тэхніцы пешаходнага турызму на дыстанцыі да 1000 м.

— Мы ганарымся навучэнцамі Міншчыны і жадаем ім поспехаў на турыстычным злёце навучэнцаў Саюзнай дзяржавы, — падкрэсліў М. Башко.

Наталля САХНО, Настаўніцкая газета

 

«Народная асвета» рекомендует:

Вочы Зямлі. Вандроўкі па роднай Беларусі

І. У. Ягоўдзік

Кніга Уладзіміра Ягоўдзіка «Вочы Зямлі. Вандроўкі па роднай Беларусі» прысвячаецца багаццям беларускай прыроды. Навукова-папулярныя звесткі пра беларускія лясы, азёры, рэкі і крыніцы аўтар па-майстэрску спалучае з народнымі паданнямі і легендамі. Выданне стане верным сябрам таму, хто хоча пашырыць і ўзбагаціць свае веды па геаграфіі, біялогіі і гісторыі роднага краю.

Адрасуецца аматарам роднай прыроды сярэдняга і старэйшага школьнага ўзросту.

17.50 руб.