Рэктар Беларуска-Расійскага ўніверсітэта доктар тэхнічных навук, прафесар Міхаіл Лусцянкоў распавёў аб магчымасцях, якія адкрываюць унікальныя лабараторыі ВНУ, а таксама аб дадатковых адукацыйных праграмах, паведамляе БелТА.
«Інтэнсіўнасць абмену студэнтаў і выкладчыкаў, якая знізілася ў каранавірусныя часы, цяпер усё больш і больш павышаецца. Вельмі павысілася інтэнсіўнасць кантактаў у сацыягуманітарнай сферы, хоць гэта тэхнічная ВНУ. У міжурадавым пагадненні пазначана, што наша ВНУ пераўтворыцца ў міждзяржаўную, гэта значыць павышаецца яе ўзровень, статус менавіта з мэтай сумеснага ўзбагачэння развіцця культур дзвюх краін. Таму мы таксама спрабуем гэтаму адпавядаць, і сумесна з РГГУ, напрыклад, быў адкрыты цэнтр еўразійскіх даследаванняў на нашай базе, сумесна з Інстытутам рускай мовы імя Пушкіна — Пушкінскі цэнтр. Зараз мы чакаем адкрыцця яшчэ аднаго цэнтра рускай мовы, гісторыі, культуры. Таму мы актыўна працуем. У нас даўно адкрыты цэнтр сумесна з Новасібірскай вобласцю, расійска-беларускі цэнтр міжрэгіянальнага супрацоўніцтва ў галіне адукацыі, навукі і культуры», — сказаў Міхаіл Лусцянкоў.
Рэктар ВНУ таксама распавёў пра ўнікальныя лабараторыі і праграмныя прадукты, якія дзейнічаюць дзякуючы Саюзнай дзяржаве. «Значную частку матэрыяльных рэсурсаў менавіта лабараторна-тэхнічнай базы мы маем дзякуючы таму, што рэалізавалі праект Саюзнай дзяржавы. Гэта дазволіла закупіць унікальны парашковы 3D-прынтар, абсталяваць лабараторыі сучасным абсталяваннем, набыць інжынернае праграмнае забеспячэнне, дзякуючы якому мы зараз рыхтуем студэнтаў на новым узроўні. У нас створаны інжынірынгавы цэнтр „Сінтэк“, які актыўна працуе з расійскімі кампаніямі. Мы ўкараняем распрацоўкі перш за ўсё ў сябе ў Рэспубліцы Беларусь: гэта праца з „БелАЗам“, праца па стварэнні кранавага абсталявання, і з расійскімі кампаніямі. Вельмі шмат заключана дагавораў», — адзначыў Міхаіл Лусцянкоў.
«Мы даем вельмі добрую, якасную інжынерную адукацыю, прычым па сучасных высокатэхналагічных спецыяльнасцях, запатрабаваных эканомікай. У нас наладжаныя сувязі з пагранічнымі рэгіёнамі. У прыватнасці, кожны год выязджаюць нашы спецыялісты па прыгранічных школах — Пскоўская вобласць, Бранская, дзе 50 школ наведваем, запрашаем вучыцца сюды. Грамадзяне Расіі, якія сканчаюць навучанне ў ВНУ, — многія з іх застаюцца тут, працуюць на нашых прадпрыемствах», — сказаў рэктар Беларуска-Расійскага ўніверсітэта.
Міхаіл Лусцянкоў таксама звярнуў увагу на тое, што ва ўніверсітэце рэалізуюцца праграмы дадатковай прафесійнай адукацыі па павышэнні кваліфікацыі. «Расіяне сюды з Санкт-Пецярбурга прыязджалі для вучобы па праграмах практыкі, таму што мы можам у Рэспубліцы Беларусь прапанаваць сапраўды ўнікальныя праграмы, дзе дзеючая вытворчасць, сучаснае абсталяванне, станкі. Усё гэта можна паглядзець, павучыцца, таму Санкт-Пецярбург выбірае гэтыя праграмы», — рэзюмаваў ён.
Прэв'ю: БЕЛТА
Крыніца: Звязда
«Народная асвета» рекомендует:
- Учебные пособия для высшего образования
- Учебники и учебные пособия для общего среднего образования
- Учебно-методические пособия для общего среднего образования
- Учебные пособия для специального образования
- Учебно-методические пособия для специального образования
- Учебно-методические пособия для дошкольного образования
- Школьные словари
- Школьная энциклопедия