Пераможцаў лінгвістычнага конкурсу «Гульня слоў» назвалі ў Мінску

: 13 февраля 2023

У Мінску назвалі імёны школьнікаў, якія перамаглі ў лінгвістычным конкурсе «Гульня слоў» БДУ. Спаборніцтва сабрала на філалагічным факультэце больш за 300 чалавек са 128 устаноў адукацыі Беларусі, паведамілі БелТА у прэс-службе БДУ.

Лепшых вызначалі сярод 9, 10 і 11-класнікаў. З ліку дзевяцікласнікаў перамогу атрымалі навучэнцы Ганна Ганец (СШ № 2 Барысава), Вольга Дзячук (Гімназія № 1 Барысава), Маргарыта Кавалеўская (СШ № 118 Мінска).
Сярод дзесяцікласнікаў перамога дасталася Ганне Еўтухоўскай (СШ № 145 Мінска), Юліі Кудзінай (Нававескаўская сярэдняя школа Стаўбцоўскага раёна), Аліне Сенакосавай (СШ № 210 Мінска).

У тройку фіналістаў лінгвістычнага спаборніцтва сярод адзінаццатых класаў увайшлі Сафія Красоўская (Уздзенская раённая гімназія), Таццяна Майсюк (Бараўлянская сярэдняя школа № 2), Сафія Осіпава (СШ № 1 Копішча).

Юным філолагам было неабходна за 90 хвілін выканаць 15 заданняў аналітычнага характару па рускай і беларускай мовах.

Узнагародзяць пераможцаў 25 лютага. У цырымоніі паўдзельнічае дэкан філалагічнага факультэта Сяргей Важнік.

Арганізатарам інтэлектуальнага спаборніцтва выступіў філалагічны факультэт БДУ.

Крыніца: «Звязда»